MPB Maqedoni njofton se dje (03.12.2024) në Radovish, zyrtarë policorë nga SPB Strumicë, kanë arrestuar personin K.Gj (21) nga fshati Damjan i Radovishit.
Gjatë bastisjeve në banesën e tij në fshatin Damjan dhe në banesën ku po qëndronte në Radovish, të kryera me urdhër të gjykatës, janë gjetur dhe sekuestruar disa pako me marihuanë, sende me mbetje marihuanë, një peshore digjitale, një pushkë gjuetie “Crvena Zastava” kalibri 12 mm dhe 6 gëzhoja për një armë gjahu.
“Po të njëjtën ditë është privuar nga liria edhe M.A.(21) nga Radovishi për shkak të dyshimit se së bashku me K.Gj. janë autorë të veprës penale të “prodhimit dhe tregtimit të paautorizuar të narkotikëve, substancave psikotrope dhe prekursorëve””.
“Personat janë ndaluar në Stacionin Policor të Radovishit, për ngjarjen është njoftuar prokurori publik nga Prokuroria Themelore Publike Strumicë, dhe pas dokumentimit të rastit kundër tyre do të bëhet kallëzim përkatës”, thonë nga MPB.
