Kryeministrja italiane Giorgia Meloni tha sot se vendi i saj ishte gati të angazhohej me udhëheqjen e re të Sirisë, por kërkoi “kujdes maksimal”, veçanërisht në lidhje me trajtimin e të krishterëve.
Ajo tha se rebelët e udhëhequr nga islamistët që morën pushtetin nga Bashar al-Assad në një ofensivë të rrufeshme do të gjykohen në bazë të qëndrimit të tyre ndaj pakicave.
“Italia është e gatshme të angazhohet me udhëheqjen e re siriane, padyshim në kontekstin e vlerësimeve dhe veprimeve të përbashkëta me partnerët evropianë dhe ndërkombëtarë”, tha sot Meloni në parlament.
“Shenjat e para duken inkurajuese, por nevojitet kujdes maksimal. Fjalët duhet të pasohen nga veprimet dhe ne do të gjykojmë autoritetet e reja siriane për veprimet e tyre”, tha ajo.
“Elementi vendimtar do të jetë qëndrimi ndaj pakicave etnike dhe fetare”, shtoi Meloni.
“Unë po mendoj veçanërisht për të krishterët, të cilët tashmë kanë paguar një çmim shumë të lartë – dhe shumë prej tyre, shpesh kanë qenë objekt i persekutimit”, tha ajo.
Në fillim të kësaj vere, Italia rihapi ambasadën e saj në Damask, duke u bërë vendi i parë i Grupit të Shtatë (G7) që merr një vendim të tillë.
Roma mban presidencën e rradhës të G7 këtë vit.
