Kryeministri Edi Rama reagoi sot në Ditën e Përkujtimit të Holokaustit.
“Ne nderojmë milionat e humbur dhe forcën e atyre që mbijetuan”, theksoi Rama në një postim në rrjetin social X.
“Po ashtu, kujtojmë me krenari se falë guximit të gjyshërve dhe nënave tona (pothuajse të gjithë muslimanë), Shqipëria, një komb i vogël me një zemër të madhe, u bë një strehë—duke dalë nga Lufta e Dytë Botërore si vendi i vetëm europian me më shumë hebrenj sesa para saj”, u shpreh Rama.
Rama vijoi mesazhin duke theksuar se Shqipëria do që hebrenjtë dhe palestinezët të jetojnë në paqe si fqinjë në dy shtete sovrane.
“Ne qëndruam atëherë dhe qëndrojmë tani kundër antisemitizmit dhe islamofobisë. Duam që hebrenjtë dhe palestinezët të jetojnë në paqe si fqinjë në dy shtete të pavarura; pa tunele terrori nën dhe’ e pa askënd që vë në dyshim të drejtën e Izraelit për të ekzistuar”, theksoi Rama.
Rama gjithashtu ftoi popullin hebre që të vizitojë dhe investojë në Shqipëri.
“Popullit hebre ne i themi sot: Shqipëria do të jetë gjithmonë shtëpia juaj. Ejani, vizitoni, investoni, dhe le të ndërtojmë një të ardhme më të përbashkët të mbështetur në shpresë dhe unitet”, përfundoi Rama.
