Vetëm katër ndeshje u luajtën në NBA, por që emocionet dhe befasitë nuk kanë munguar.
Los Angeles Lakers pas katër fitoreve radhazi janë mposhtur, ku Philadelphia 76ers triumfoi përballë tyre me 14 pikë diferencë 118:104.
LeBron James pati një paraqitje të shkëlqyer me 31 pikë, nëntë asistime e tetë kërcime, por që nuk mjaftuan ta vazhdojnë serinë e fitoreve për Lakers.
Nga ana tjetër te vendasit i jashtëzakonshëm në këtë takim ishte Tyrese Maxey që e mbylli ndeshjen me 43 pikë, derisa Oube Jr shtoi 20 të tjera.
Edhe fitorja e Portland ndaj Milwaukee me rezultat 125:112 ishte një befasi e madhe.
Atlanta Hawks u mposhtën me rezultat 100:96 në shtëpi nga Houston Rockets, derisa Golden State Warriors triumfuan me rezultat 114:103 ndaj Utah Jazz.
Rezultatet:
Atlanta – Houston 96:100
Philadelphia – LA Lakers 118:104
Golden State – Utah 114:103
Portland – Milwaukee 125:112
