Sulmuesi i Borussia Dortmundit, Karim Adeyemi thuhet se ka vendosur të qëndroj së paku deri në verë te klubi gjerman.
Sipas gazetarit Fabrizio Romano, sulmuesi gjerman ka vendosur të qëndrojë në klub gjatë këtij afati kalimtar.
Napoli kishte shfaqur interes për sulmuesin gjerman dhe më parë u raportua se klubi italian kishte rënë dakord për një tarifë transferimi.
Megjithatë, Adeyemi tani ka zgjedhur të qëndrojë në Dortmund për momentin, me diskutimet që mund të rifillojnë në verë, pasi Napoli, Juventusi dhe klubet e Ligës Premier vazhdojnë të monitorojnë lojtarin.
Ndryshe, Adeyemi ka luajtur 14 ndeshje për Borussia Dortmund këtë sezon, duke shënuar pesë gola dhe duke dhënë tre asistime.
Çmimi i sulmuesit anësor gjerman momentalisht vlerësohet të jetë 35 milionë euro.
