Politikanët holandezë reaguan ndaj vendimit të presidentit amerikan, Donald Trump për të vendosur sanksione kundër Gjykatës Ndërkombëtare Penale, ndërsa disa ekstremistë të djathtë kërkuan largimin e saj nga ky vend.
I pari që reagoi ishte ministri i Jashtëm holandez, Caspar, i cili tha se Holanda është e trishtuar për këtë vendim të Shtëpisë së Bardhë.
“Holanda është e trishtuar për urdhrin ekzekutiv që vendos sanksione ndaj ICC-së. Puna e gjykatës është e rëndësishme në luftën kundër pamundësisë së dënimit. Vendi ynë ka një reputacion të fortë dhe përgjegjësi si vend mikpritës për institucione të rëndësishme juridike ndërkombëtare. Holanda kontribuon aktivisht në forcimin e rendit të ligjit ndërkombëtar dhe bashkëpunimit multilateral dhe do të plotësojë obligimet e saja në përputhje me ligjin ndërkombëtar dhe detyrimet e kontratës”, tha ai.
Ndërkohë, politikani ekstrem i djathtë holandez, Geert Wilders mbështeti sanksionet e liderit amerikan, shkruan reuters.
“A nuk mund të zhvendoset Gjykata Ndërkombëtare Penale në Belgjikë ose diku tjetër? Kurrë nuk kam kuptuar pse kjo organizatë ndodhet këtu”, tha Wilders.
Kujtojmë se 78-vjeçari nënshkroi një urdhër ekzekutiv që vendos sanksione kundër Gjykatës Ndërkombëtare Penale (ICC), duke e akuzuar atë për procedura të pabazuara dhe të paligjshme kundër Amerikës dhe aleatit të saj të ngushtë, Izraelit.
Kjo masë sjell kufizime financiare dhe viza për individë dhe familjet e tyre që ndihmojnë ICC-në në hetimet ndaj qytetarëve amerikanë ose aleatëve.
