Shërbimi Meteorologjik Ushtarak bëri të ditur se ditën e martë moti në vend parashikohet me vranësira dhe intervale kthjellimesh të herëpashershme.
Vranësirat parashikohet të shoqërohen me reshje shiu me intensitet të ulët të karakterit lokal, fillimisht përgjatë vijës bregdetare, për tu shtrirë më pas në pjesën më të madhe të territorit.
Reshjet priten të jenë me intensitet të ulët e lokalisht mesatar kryesisht në jug në formën e shtrëngatave afatshkurtra nga orët e mbrëmjes pritet ndërprerje e reshjeve në të gjithë territorin. Sipas parashikimeve, në lartësitë mbi 800-1000m kryesisht në jug reshje bore me intensitet të ulët e lokalisht mesatar.
Era do të fryjë e lehtë me drejtim juglindje – verilindje me shpejtësi mesatare deri në 6m/sek, ndërsa në lugina dhe përgjatë vijës bregdetare era do të fitojë shpejtësi deri 8m/sek. Valëzimi në dete do të jetë i ulët i forcës 1 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 4/13 | Diell re |
| Kukës | -4/6 | Diell re |
| Lezhë | 8/10 | Diell re |
| Dibër | -3/8 | Diell re |
| Durrës | 6/13 | Diell re shi |
| Tiranë | 5/13 | Diell re shi |
| Elbasan | 8/13 | Diell re shi |
| Berat | 3/13 | Diell re shi |
| Vlorë | 5/13 | Diell re shi |
| Korçë | -4/4 | Diell re shi/bore |
| Gjirokastër | -1/13 | Diell re shi |
| Sarandë | 7/14 | Diell re shi |
