Një person humbi jetën dhe të tjerë u lënduan kur një aeroplan privat në pronësi të këngëtarit të Mötley Crüe, Vince Neil, u përplas me një aeroplan tjetër të hënën pasdite në aeroportin Scottsdale në Arizona, thanë autoritetet.
Aeroplani i Neil ishte duke u ulur në aeroport kur doli nga pista dhe u përplas me një aeroplan tjetër të parkuar, tha në një deklaratë përfaqësuesi i Neil, Worrick Robinson.
Në aeroplanin e Neil-it ishin dy pilotë dhe dy pasagjerë, por ai nuk ishte në mesin e tyre, transmeton Telegrafi.
“Mendimet dhe lutjet e Neil shkojnë për të gjithë të përfshirët, dhe ai është mirënjohës për ndihmën kritike të të gjithë reaguesve të parë që asistojnë sot”, tha Robinson.
Aeroplani që mbërriti doli nga pista dhe u përplas me aeroplanin Gulfstream 200 që ishte parkuar në pronë private, sipas Kelli Kuester, koordinatore e planifikimit të aviacionit dhe kontaktit në aeroportin Scottsdale.
