Ministri i Mbrojtjes Pirro Vengu priti sot në takim ministrin e deleguar të Francës për Çështjet Evropiane, Benjamin Haddad.
Gjatë takimit, Vengu vlerësoi mbështetjen që Franca i jep Shqipërisë në procesin e anëtarësimit në Bashkimin Europian.
“Vitet e fundit, nën lidershipin e kryeministrit Rama dhe presidentit Macron, marrëdhëniet midis Shqipërisë dhe Francës, veçanërisht pas vizitave të ndërsjella historike në Tiranë më 2023 dhe Paris më 2024 dhe nënshkrimit të marrëveshjeve të reja ndërqeveritare në vazhdën e Partneritetit Strategjik që lidh dy vendet tona, në fushat prioritare të inovacionit, infrastrukturës, arsimit, energjisë dhe së fundmi të sigurisë dhe mbrojtjes”, u shpreh Vengu.
Ministri i Mbrojtjes nënvizoi rëndësinë shumë të veçantë që mbart për vendin dhe rajonin tonë zhvillimi i Samitit të Komunitetit Politik Evropian në Tiranë më 16 maj, si edhe kënaqësinë për pjesëmarrjen e Presidentit Macron në samit dhe vizitën bilaterale të tij në Shqipëri.
