“Me këtë, telefonin mund ta komandosh, ky gurë përdorеt për orë, për kompjuter dhe telefona.”
Shefket Nebiu është koleksionist i gurëve të ndryshëm. Ai me profesion është mjeshtër ndërtimi por në kohen e tij të lirë, del rreth lumenjve për të shtuar koleksionin e tij me gurë të ndryshëm. Koleksioni i tij privat në shtëpinë ku banon tashmë numëron mijëra gur të llojeve, formave dhe përbërjeve të ndryshme.
Ai pretendon se rreth lumit Treska të Sarajit ka gjetur mbetje të një meteori.
“Ja ky është meteorë. Kjo është me hekur dhe nga jashtë lëshon ndryshk dhe kur e prek të djeg, sepse ka acid, nga brenda është i zi dhe ky është meteor që kanë rënë nga qielli para miliona viteve”; tha Shefket Nebiu – Koleksionist.
Sipas tij, toka jonë është shumë e pasur me gurë të çmuar por të rralle janë ata qe i njohin.
“Mendon se ka pasuri toka jonë? Sigurisht që ka pasuri, pasurinë që e ka Maqedonia në gjithë boten nuk е gjen. Ka pasuri por duhet të kërkohet. Ka edhe diamante, dhe garantoj që ka, sipas asaj që kam pa në youtube, diamanti më së shumti është nëpër shkëmbinj”, tha Shefket Nebiu – Koleksionist.
Në koleksionin e tij, Shefket Nebiu, deri tani ka grumbulluar shumë gurë të ndryshëm ndërsa beson se një ditë do të hasë në xhevahire të çmuar dhe pasurinë e tij do e ndaje me nevojtaret dhe të varfrit.
