Kryetari i Shoqatës ” Jehona e Malësisë”, Agron Dedivanaj ka marë pjesën në festën e organizuar për nder të 17 vjetorit të Pavarsisë së Kosovës, në Qëndrën Kulturore Shqiptare Islamike në Michigan.
Në emër të Shoqatës ” Jehona e Malësisë” Dedivanaj ka uruar të pranishmit dhe gjith shqiptarët anembanë botës për këtë datë shum të rëndësishme të historisë së lavdishme të kombit tonë.
“Kontribut vendimtar në luftën tonë për liri dhe për ruajtjen e atdheut dha në radhë të parë kryheroi ynë dhe simboli i vetëdijes kombëtare, Gjergj Kastrioti – Skënderbeu, i cili jo vetëm që hodhi themelet e shtetit shqiptar, por na
tregoi edhe modelin se si të arrijmë bashkimin kombëtar, si të realizojmë të gjitha idealet tona atdhetare nëpërmjet unitetit dhe se si të bëhemi zotër të të gjitha trevave tona shqiptare. Misionin e Skënderbeut e vazhduan më vonë Isa Boletini, Shote Galica,Adem Jashari, Ushtria Çlirimtare e Kosovës si dhe të gjithë ata që humbën jetën që ne
sot ta përjetojmë lirinë, ata ranë që Kosova sot të jetojë dhe frymojë shqip”- tha ndër të tjera Dedivanaj.
Ja fjalimi plotë:
Të nderuar përfaqësues të shoqatave atdhetare shqiptare,
Të nderuar përfaqësues shoqërore dhe fetarë të popullit tonë,
Të nderuar veprimtarë të kauzës shqiptare,
Të nderuar të pranishëm,
Zonja dhe zotërinj.
Është nderi dhe kënaqësia ime t’ju drejtohem në frymë vëllazërore në këtë ngjarje
shumë të bukur atdhetare, ku në emër të shoqatës “Jehona e Malësisë” si dhe në emrin
tim personal, juve dhe të gjithë shqiptarëve kudo që ndodhen, ju dërgoj urimet e mia
më të ngrohta me rastin e një prej datave më të rëndësishme të historisë sonë të
lavdishme, ditës kur Republika e Kosovës fitoi pavarësinë, respektivisht ditës kur
populli ynë shqiptar fitoi shtetin e dytë. Pikërisht për këtë arsye jemi mbledhur sot këtu
dhe tani po ndihem shumë krenar dhe i lumtur kur po shoh në këtë ambient të
këndshem një numër të madh bashkatdhetarësh tanë që në frymën e atdhedashurisë
dhe patriotizmit kremtojnë, ruajnë dhe kultivojnë gjuhën shqipe, alfabetin, kulturën,
identitetin dhe të gjitha vlerat më të mira shqiptare.
Dita kur Kosova u bë shtet i pavarur, sovran dhe demokratik, përmbushi ëndrrën e
shumë gjeneratave, të të parëve tanë dhe të gjithë atyre që luftuan me vite e dekada që
populli ynë shqiptar të fitojë lirinë. Kontribut vendimtar në luftën tonë për liri dhe për
ruajtjen e atdheut dha në radhë të parë kryheroi ynë dhe simboli i vetëdijes kombëtare,
Gjergj Kastrioti – Skënderbeu, i cili jo vetëm që hodhi themelet e shtetit shqiptar, por na
tregoi edhe modelin se si të arrijmë bashkimin kombëtar, si të realizojmë të gjitha
idealet tona atdhetare nëpërmjet unitetit dhe se si të bëhemi zotër të të gjitha trevave
tona shqiptare. Misionin e Skënderbeut e vazhduan më vonë Isa Boletini, Shote Galica,
Adem Jashari, Ushtria Çlirimtare e Kosovës si dhe të gjithë ata që humbën jetën që ne
sot ta përjetojmë lirinë, ata ranë që Kosova sot të jetojë dhe frymojë shqip!
Lavdi e përjetshme të gjithë dëshmorëve të kombit, ku sot me krenarinë dhe respektin
më të madh kombëtar kujtojmë të gjithë ata që me gjakun e tyre ruajtën vatrën dhe
kombin tonë. Vetëm së bashku dhe besa-besë, jo vetëm që mund të përkujtojmë
heronjtë tanë, por edhe mund të zhvillojmë kombin tonë. Flamuri ynë le të valvojë me
krenari në mbarë botën dhe kombi ynë le të arrijë begati, duke bërë çdo ditë nga një
hap përpara drejt realizimit të bashkimit kombëtar. Ky është shekulli ynë dhe është
koha për të përmbushur fatin tonë dhe idealin e të parëve tanë. Kështu, të bashkuar dhe
në unitet i festofshim gjithmonë festat tona kombëtare!
Rrnoftë dhe përparoftë kombi shqiptar! Gëzuar!
Agron Dedivanaj,
Kryetar i Shoqatës “Jehona e Malësisë”
