Ajaxi u kualifikua në fazën ‘play-off’ për grupet e Ligës së Evropës pas goditjeve më të pabesueshme të penalltive kundër Panathinaikosit, ku u panë plotë 34 gjuajtje nga pika e bardhë apo 17 sosh nga secila skuadër për të gjetur fituesin.
Pasi fitoi ndeshjen e parë me rezultat 1-0, skuadra e Amsterdamit humbi takimin e dytë në terrenin vendas të enjten mbrëma. Braziliani Tete shënoi në minutën e 89-të për të barazuar ndeshjen në total dhe për të detyruar vazhdimet.
Asnjëra skuadër nuk mundi të shënonte në 30 minutat e vazhdimeve dhe ndeshja e raundit të tretë kualifikues u vendos vetëm pas ekzekutimit të penalltive.
Megjithatë, çuditërisht, gjuajtjet zgjaten plotë 25 minuta pothuajse të paprecedentë – me lojtarë të shumtë që u desh të godasin nga dy herë.
Sulmuesi holandez Brian Brobbey humbi të dyja përpjekjet e tij – duke përfshirë mundësinë për ta fituar ndeshjen kur ishin gjuajtur vetëm nga pesë penallti.
Rezultati ishte 5-5 pas 16 penalltive, por më pas për 14 goditje tjera nga pika e bardhë, asnjë lojtar i vetëm nuk dështoi – me të dy portierët Remko Pasveer që ishin gjithashtu shënues.
Brobbey goditi një penallti të dytë mbi traversë në mënyrë të tmerrshme kur iu shfaq një mundësi tjetër, duke rënë në gjunjë pas dështimit të dytë.
Megjithatë, për fat të tij, bashkatdhetari dhe ish-mesfushori i Feyenoordit, Tonny Vilhena humbi penalltinë pasuese – me portierin 40-vjeçar të Ajaxit, Pasveer, që bëri një pritje të pestë.
Pasi kishte shënuar tashmë golin e tij të parë, kapiteni Jordan Henderson ishte vendosur të ekzekutonte penalltinë vendimtare, por lejoi Anton Gaaei të merrte përgjegjësinë dhe ai nuk gaboi me përpjekjen e tij dhe ndezi skena të çmendura në Johan Cruyff Arena teksa lojtarët grumbulloheshin mbi njëri-tjetrin.
Tani Ajaxi ndeshjen e radhës e luan të dielën kur sezoni i tyre në Eredivisie fillon kundër NAC Breda, ndërsa më 29 gusht luan ndeshjen ‘play-off’ për kualifikim në Ligën e Evropës.
