Shkup, 2 korrik Zhurnal.mk – Me ftesë të Sh.S. znj. Nicole Varnes, Ushtruese e Detyrës së Ambasadores së Shteteve të Bashkuara të Amerikës në Republikën e Maqedonisë së Veriut, Ali Ahmeti mori pjesë në pritjen solemne të organizuar me rastin e 250-vjetorit të Pavarësisë së Shteteve të Bashkuara të Amerikës.
Në këtë ngjarje u theksua partneriteti i fortë dhe miqësia e qëndrueshme ndërmjet Shteteve të Bashkuara të Amerikës dhe Republikës së Maqedonisë së Veriut, si dhe u vlerësua roli i rëndësishëm i SHBA-së në mbështetjen e paqes, stabilitetit, proceseve demokratike dhe integrimit euroatlantik të vendit.
Me këtë rast u përcollën urimet më të sinqerta për popullin dhe institucionet e Shteteve të Bashkuara të Amerikës, me dëshirë për prosperitet, përparim dhe suksese të mëtejshme.
