Armë të fshehura në kamper, ndalohet një shtetas austriak në “Tabanoc”

Shkup, 08 tetor, argument.mk/ – Një shtetas i Austrisë është ndaluar në pikën kufitare Tabanoc, pasi gjatë kontrollit të kamperit të tij policia ka gjetur armë dhe mjete të tjera të dyshimta.
Sipas MPB-së, gjatë kontrollit janë zbuluar një pistoletë, një revolver dhe kapsolla, të cilat janë sekuestruar për procedurë të mëtejshme.
Shtetasi austriak është privuar nga liria, ndërsa pas dokumentimit të plotë të rastit autoritetet paralajmërojnë kallëzim përkatës.