Shkup, 22 nëntor – Kaosi me transportin publik nxori në rrugë banorët e Shuto Orizares. Banorët e Shuto Orizarës të revoltuar kërkojnë zgjidhje pasi siç theksojnë transporti publike është mënyra e vetme për të shkuar në punë dhe për të kryer obligimet e tyre. Thonë se janë të detyruar çdo ditë të paguajnë taksi.
“Nga 1400 denarë paguajmë biletë dhe paguajmë taxi për të shkuar në punë, kjo ndodh që dy vite, si nuk i vjen turp, duhet të dalë dhe të përgjigjët. Ajo tha që do të kemi transport pa pagesë. Ku është ai transport, nuk ka as me pagesë. Për këto 32 vite që jam e punësuar nuk e kam pa këtë turp. Shkoj në punë në këmbë”, tha një qytetare.“Urgjentisht të veprohet sipas orarit të publikuar në faqen e NQP-së dhe nga nesër autobusët të qarkullojnë edhe në rrugët e Shuto Orizarës”, tha Kurto Dudush – Kryetar i Komunës së Shuto Orizarit .
Edhe pse banorët e Shuto Orizares kërkuan përgjigje nga Danella Arsovska për gjithë atë që po ndodh me transportin publik në Qytetin e Shkupit dhe komunën e Shuto Orizarit, përgjigje morën vetëm studentët të cilët ishin pjesë e kësaj proteste me një pllakate ku shkruan se përgjigjën duhet ta kërkojnë tek Qeveria e cila ndodhet 500 metra nga këtu.
“Në çdo klasë mungojnë gjysma e klasave për shkak të transportit publik”, u shpreh Berin Muhamed – Unioni i nxënësve.
Banorët e Shuto Orizarës paralajmëruan së protesta do të ketë edhe në javët në vijim. Ndërkohë Transporti publik urban në kryeqytet sot dukej se po shkon drejt normalizimit, por sërish jo me kapacitet të plotë. Kjo pas vendimit të Qeverisë për furnizimin me naftë nga rezervat shtetërore për autobusët e NQP-së. Rrëmuja dhe pritja nëpër stacionet e autobusëve nuk ishte si ditët e tjera. Në këtë ka ndikuar edhe 22 nëntori e cila është ditë jo pune për shqiptarët.
