Kreu i PD-Demokratët Euroatlantikë, Lulzim Basha, deklaroi sot se pengimi i drejtësisë është akt antishtetëror.
Në një postim në rrjetet sociale, Basha reagoi për çështjen e mandatit të deputetes socialiste Olta Xhaçka.
“Pasi dolën kundër Gjykatës Kushtetuese, socialistët po përpiqen të kamuflojnë puçin kushtetues përmes sorollatjes në Komisionin e Venecias të çështjes “Xhaçka””, theksoi Basha.
“Pengimi i drejtësisë është një akt antishtetëror, dëshmi e një modeli që ka në qendër interesat e pushtetit, jo interesat e qytetarëve. Edi Rama nuk punon për ju, por për veten dhe ortakët e tij”, nënvizoi Basha.
Ai shtoi se, “Shqipëria nuk e meriton këtë model klientelist që kërcënon shtetin ligjor dhe integrimin e vendit. Shqipëria meriton më shumë”.
