Shkup, 21 dhjetor – Nga Bashkimi Demokratik për Integrim kanë kritikuar deputetin Rijad Shaqiri nga VLEN, pasi i njëjti kishte fjalosje me deputeten Ilire Dauti nga Fronti Europian, gjatë debatit në komision parlamentar në lidhje për ligjin për arsim të mesëm. Nga BDI e quajnë këtë diskriminim gjinor.
Reagimi i BDI-së:Bashkimi Demokratik për Integrim (BDI) dënon ashpër deklaratën e papranueshme dhe të turpshme të deputetit Rijad Shakiri ndaj deputetes Ilire Dauti në Kuvend, kur ai e kërcënoi duke thënë: “Nëse do ishe burrë, do të merresha ndryshe me ty.”
Ky është një sjellje e palejuar dhe akt i pastër diskriminimi gjinor, i cili nuk ka vend në asnjë institucion si Kuvendi.
BDI kërkon menjëherë dorëheqjen e deputetit Rijad Shakiri.
Një individ që shfaq një sjellje të tillë të papranueshme nuk mund të mbajë një post publik dhe të udhëheqë nëpërmjet shembujve të tillë të dhunës verbale dhe diskriminimit.
