Shkup, 7 tetor – Në Maqedoninë e Veriut gjatë një viti paguhen rreth 200 milionë euro tatime rreth mjedisit jetësor, pjesa më e madhe e paguar për energjinë dhe transportin.
“Gjatë vitit 2023 për mjedisin jetësor janë paguar tatime në vlerë prej 12 198 700 000 denarë”, raportoi Enti Shtetëror i Statistikave, duke theksuar se kjo shumë është për 10.1 përqind më pak se viti paraprak.
Enti sqaroi që tatimi i mjedisit jetësor merr pjesë me 0.7 përqind në prodhimin e brendshëm bruto.
