Tetovë, 5 shkurt – Deputetja e Aleancës për Shqiptarët, Ilire Dauti nëpërmes një postimi në rrjetet sociale ka komentuar ngjarjet që po ndodhin këto ditë brenda Aleancës për Shqiptarët.
Sipas Dautit, fushata e gërditshme (me fjalë fyese, denigruese, të ulëta dhe stil rrugaçërie) që orkestrohet ndaj anetareve, eksponentëve dhe simpatizantëve të ASH-së, buron nga ‘shtabet’ e atyre që vazhdimisht, sidomos 2 vitet e fundit, bëjnë përpjekje për të tjetërsuar karakterin politik që Aleanca e ka.
“Të nderuar anëtarë dhe mbështetës të Aleancës për Shqiptarët, kohëve të fundit jemi dëshmitar të ngjarjeve jo të mira politike dhe jo politike, sidomos, për ‘betejën’ e pa shembullt për të përçarë e shkatërruar Aleancën, të cilën, 10 vite më parë e filluam bashkarisht si ide dhe frymë për të rikthyer shpresën dhe për të sjellur ndryshimin në skenën politike. Ishte dhe është po kjo frymë, kjo ide që na mban të pa lëkundur edhe sot e kësaj dite.”, ka shkruar Dauti
