Kombëtarja e Argjentinës është aktualisht kampioni në fuqi i botës, por këtë verë ata fituan edhe Kupën e Amerikës.
Futbollistët e Kombëtares argjentinase janë shumë të lidhur mes vete dhe është një grup që funksionon mjaftë mirë.
Një nga liderët e Argjentinës, Rodrigo De Paul ka thënë se ata gjithçka që bëjnë e bëjnë për Leo Messin.
“Messi është kapiteni i anijes skuadra kombëtare e Argjentinës. Gjithçka që bëjmë është për të, e bëjmë me kënaqësi”, tha Rodrigo de Paul.
“Ne duam që ai të jetë gjithmonë në faqen e parë të të gjitha gazetave dhe ne shtyjmë nga pas”, shton De Paul.
De Paul vulos mbështetjen dhe adhurimin e tij të palëkundur për Leo Messin. Mesfushori i Atleticos është përmendur ndonjëherë si truproja e Messit.
