Deputetët e Kuvendit të Kosovës nderuan me një minuta heshtje viktimat e Masakrës së Srebrenicës.
As në përpjekjen e 45-të, deputetët nuk e konstituan Kuvendin e Kosovës, të dalë nga zgjedhjet e 9 shkurtit, raporton Ekonomia Online.
Kryesuesi Avni Dehari ua ndërpreu fjalën deputetëve.Megjithatë, ata arritën ta thonë ndonjë fjalë.
Abelard Tahiri- PDK : Është duke shkelur Është hera e 45 që kryesuesi është duke e shkelur Kushtetutën, kjo është e papranueshme. Kthehu rendit të ditës.
Ekrem Hyseni- LDK: Kthejuni rendit të ditës dhe respektoni rendin kushtetues.
Time Kadrijaj-AAK : Po e shohim që ka një bllokadë të qëllimshme të seancës.
Në sallë ishin 93 deputetë. Prej tyre, 49 votuan për asnjë kundër dhe asnjë abstenim.
Seanca zgjati sërish vetëm pak minuta dhe kryesuesi i seancës, Avni Dehari, i ftoi deputetët të mblidhen sërish pas 48 orësh, më 13 korrik.
Edhe më tej nuk ka pajtueshmëri midis Lëvizjes Vetëvendosje në njërën anë dhe partive të tjera në anën tjetër, për formimin e një komisioni për votim të fshehtë të kandidates për kryetare të Kuvendit, Albulena Haxhiu.
