Shkup, 26 tetor – Deputeti nga radhët e LSDM-së, Oliver Spasovski, me rastin e dyvjetorit të nënshkrimit të marrëveshjes FRONTEX mes vendit tonë dhe BE-së, në rrjetet sociale shkruan se tani se gjuha maqedonase është ruajtur në legjislacionin evropian, transmeton Zhurnal.mk.
“Dy vjet që nga nënshkrimi i Marrëveshjes së parë mes Republikës së Maqedonisë së Veriut dhe BE-së në gjuhën maqedonase – FRONTEX.
Nga kjo distancë, populli maqedonas tani e njeh sinqeritetin me të cilin vepruam, për vizionin evropian, të mbështetur nga popujt evropianë – maqedonas, që flasin gjuhën maqedonase, si themel të identitetit maqedonas – tashmë dy vjet gjuha maqedonase është ruajtur në legjislacionin evropian!
Sigurisht, është një nder i veçantë që gjatë mandatit tim si ministër i Brendshëm, pikërisht përmes FRONTEX kemi implementuar standardet më të larta të integritetit, sjelljes etike dhe profesionalizmit në policinë maqedonase,” shkroi Spasovski, duke theksuar rezultatet nga FRONTEX.
“Kemi forcuar sigurinë e kufijve, maqedonas dhe evropianë, përmes bashkëpunimit të vazhdueshëm mes policisë maqedonase dhe Agjencisë për Gardën dhe Kufirin Evropian (FRONTEX) në Republikën e Maqedonisë së Veriut.
Shpërndarja e shpejtë e personelit dhe pajisjeve të FROnTeX ose oficerëve të huaj të policisë në pika kritike të kufijve, ka mundësuar menaxhim efektiv dhe përballje me sfidat e migracionit, por edhe përforcimin e mbrojtjes nga kërcënime të mundshme që lidhen me krimin e rëndë ndërshtetëror.”
