Shkup, 25 shtator, argument.mk/ – Një tragjedi ka ndodhur në Knjaževac të Serbisë, ku një 15-vjeçar ka humbur jetën pasi është rrëzuar gjatë një konflikti me një bashkëmoshatar, raporton „Blic“.
Sipas informacioneve të mediumit, incidenti ka ndodhur të enjten rreth orës 18:00. Gjatë një debati, i mituri L. P. e ka goditur bashkëmoshatarin e tij L. C. (15) në shpinë.
Si pasojë e goditjes, 15-vjeçari është rrëzuar dhe ka pësuar një plagë të hapur në pjesën e tëmthit. Sipas burimit të „Blic“, 15-vjeçari ka ndërruar jetë në vendngjarje si pasojë e lëndimit.
Pas rastit është kryer këqyrja e vendit të ngjarjes, ndërsa ndaj të miturit L. P. pritet të iniciohet procedurë për veprën penale shkaktim i vdekjes nga pakujdesia.
