MPB njofton se me 5 maj 2025 në ora 23:00 dhe më 6 maj në ora 01:00, zyrtarët policorë nga SPB Tetovë kanë privuar nga liria personat Xh.D. (56) nga fshati Gajre i Tetovës dhe L.D. (52) nga Tetova, duke vepruar sipas një denoncimi të mëparshëm nga Zh.J. (39) nga fshati Xhepçisht i Tetovës. Ajo raportoi se ata, duke përdorur forcë, e kanë futur djalin e saj të mitur në veturën e tyre “BMW X5” dhe e kanë sulmuar fizikisht duke përdorur edhe një mjet metalik.
Sipas kallëzimit, pas arratisjes së të miturit nga vetura, Xh.D. ka nxjerrë armë zjarri dhe e ka kërcënuar. Po ashtu, të njëjtit janë denoncuar edhe nga B.Sh. (24) nga Tetova, i cili ka raportuar se kundër vullnetit të tij është futur në të njëjtën veturë, është sulmuar fizikisht dhe i është kërkuar të tregojë për dy persona që, sipas pretendimeve, i kanë marrë para vajzës së Xh.D.
Personat janë arrestuar dhe ndaj tyre është ngritur kallëzim penal. Me vendim të gjyqtarit për procedurë paraprake, atyre u është caktuar masa e paraburgimit prej 30 ditësh.
