Gostivar, 7 maj – “Jo, jo, jo”, kështu troç përgjigjet kryetari i Aleancës për Shqiptarët, Arben Taravari kur pyetet se dalja e mundshme e tij nga Qeveria e përcakton shkuarjen e vendit në zgjedhje të parakohshme parlamentare.
Por duke folur më tej, Taravari shton se kjo vjen ngaqë Qeveria i ka numrat për të vazhduar më tej, megjithatë shton, se “varet edhe nga VMRO-ja”.
“Gazetari: Shumica shqiptare me 9 deputetë shqiptarë?
E di, por ajo nuk prish punë. Mund të ketë 1-2 deputetë që dalin nga ata shkojnë te ata, por nuk prish punë ajo. Unë parimisht e kam thënë se më shumë jam për zgjedhje lokale dhe më pas të shkohet në zgjedhje parlamentare vitin e ardhshëm eventualisht. Po shikoni, zgjedhjet parlamentare varen vetëm prej VMRO-së. Krejt mund të kemi dëshira, por nëse VMRO-ja vendos se mund të shkohet, ne patjetër e kemi ta pranojmë dhe do të shkojmë në zgjedhje të parakohshme parlamentare”, tha Taravari.
