Aktorja e njohur e Hollyëodit, Kate Hudson ka treguar se ende merr një shumë të vogël parash, pasi ka luajtur në filmin e mirënjohur “Home Alone 2”, raporton “Daily Mail”.
Ajo në podcastin që drejton bashkë me vëllain, Oliver Hudson “Sibling Revelry”, ka thënë se herë pas here merr nga 10 cent pasi u shfaq në filmin më të popullarizuar të Krishtlindjeve “Home Alone”.
“Ende marr pak para nga ‘Home Alone’ pasi këndova në korin e kishës, marr nga 10 cent herë pas here”, ka thënë Hudson, duke ju referuar një skene që zor se mund të shihet pasi që në film ka shumë fëmijë që këndojnë në korin e kishës.
Roli i saj ishte shumë i vogël në atë film dhe nuk është se bëri bujë të madhe.
Në vitin 1998 ajo mori pjesë në projektin filmik “Desert Blue”, ku filloi karrierën, por nuk u bë e famshme deri në vitin 2000 kur luajti në komedinë “Almost Famous”.
Përgjatë muajit janar, Hudson ka publikuar këngën e saj debutuese “Let’s Talk about Love”, pasi që bëri të ditur se po dëshiron të ngadalësojë hapat në karrierën që ka prej aktoreje e të fokusohet te pasioni që ka për muzikën.
