Shkup, 09 maj, Zhurnal.mk – Në kongresin e koalicionit VLEN është miratuar pika për zgjedhjen e strukturave të reja drejtuese të subjektit politik.
Delegatët e kongresit kanë zgjedhur Izet Mexhiti dhe Bilall Kasami në postin e bashkryetarëve të VLEN-it.
Po ashtu, për sekretar gjeneral është zgjedhur Bekim Sali, ndërsa në funksionin e nënkryetarëve janë emëruar Mimoza Musa dhe Bekim Qoku.
Zgjedhja e strukturave të reja drejtuese u bë në kuadër të kongresit të parë të VLEN-it, ku pritet që koalicioni të formalizojë edhe transformimin e tij në një subjekt të vetëm politik.
