Shkup, 15 shkurt – Ministrja e Kulturës Bisera Kostadinovska Stojçevska informoi se në vijim është rikonstruimi i Sallës universale dhe numërohen ditët kur do të hapet. Siç tha ajo, për këtë vit janë siguruar gjtihsej 120 milionë denarë, ndërsa janë parashikuar mjete edhe për dy vitet e ardhshme.
“Salla universale është tashmë në ndërtim e sipër. Ajo që nuk u bë kurrë për 12 vjet, u bë këtë vit për disa objekte. E para është Salla Universale, për të cilën tashmë po i numërojmë ditët që duhet ta hapim, sepse na duhet shumë. Janë siguruar më shumë financime vjetore. Këtë vit janë 120 milionë denarë, tha Kostadinovska Stojçevska në brifingun e sotëm me gazetarët.
Ajo informoi se për vitin 2025 janë siguruar 443 milionë denarë dhe e njejta shumë parashikohet edhe për vitin 2026.
“Gjatë marrjes së dokumenteve nga Salla Universale nuk na ishte dhënë dokumentacioni i plotë. Ne e kërkuam përmes Ministrisë së Drejtësisë, përmes avokatit të popullit. Për këtë arsye deri tani nuk ka mundur të lëvizë asgjë”, shtoi ministrja.
Siç theksoi ajo, gjatë ndërmarrjes së Sallës Universale nga Ministria e Kulturës është bërë revizion i projektit dhe është marrë mendim pozitiv me të gjitha ndryshimet që ishin vendosur. Kontraktori është ai i njejti që e ka nisur rikonstruimin.
Mjetet prej 120 milionë denarë për këtë vit i janë dhënë Ministrisë së Kulturës, në llogari të dedikuar për Sallën Universale, ndërsa shuma e parë është kthyer prapa në buxhetin qendror.
Mjetet fillestare të cilat ishin parashikuar për rikonstruimin e Sallës Universale, siç shtoi ministrja, janë kthyer në buxhetin e shtetit sepse nuk janë shfrytëzuar. Bëhet fjalë për 76 milionë denarë.
“Kjo ndodhi sepse ka zgjatur shumë marrja e dokumentacionit. Kur tashmë përfundimisht e ndërmorëm dokumentacionin, ne nuk patëm mundësi t’i realizojmë dhe ato mjete janë kthyer prapa në buxhet”, tha Kostadinovska Stojçevska.
Salla universale duhej të jetë gati për tre vjet.
Në lidhje me objektet tjera që financohen edhe nga Ministria e Kulturës, Kostadinovska Stojçevska tha se kanë arritur të sigurojnë jo vetëm para, por edhe më shumë financim vjetor për kinemanë “Partizan” në Manastir, si dhe për rindërtimin dhe përshtatjen e Teatrit në Manastir pranë IK Qendra për Kulturë “Trajko Prokopiev” në Kumanovë.
