Kryetarja e Kuvendit, Elisa Spiropali në kuadër të programit “Kuvendojmë për Shqipërinë” vizitoi sot qarkun e Elbasanit.
Spiropali gjatë vizitës bisedoi me kryetarët e bashkive, Bukurosh Maçi në Peqin dhe Arif Tafani në Belsh.
“Gjatë takimeve biseduam mbi mënyrat më të mira për të forcuar bashkëpunimin mes Kuvendit dhe qeverisjes vendore dhe për të ofruar mbështetje konkrete për qytetarët dhe zhvillimin e komuniteteve të tyre”, tha Spiropali.
Kryeparlamentarja Spiropali ka nisur që vitin e kaluar turin “Kuvendojmë për Shqipërinë”, i cili ka për qëllim të sjellë Kuvendin më pranë qytetarëve.
