Shkup, 24 nëntor – Partitë politike në vazhdën e përplasjeve për statusin e gjuhës shqipe duke vënë në mes edhe deklaratën e kryeministrit të Kosovës Kurti, se gjuha shqipe nuk është zyrtare, duke irituar kështu taborin opozitar shqiptar.
Ata me pretendime se po rrezikohet gjuha shqipe por nga VLEN thonë se gjykata kushtetuese më 11 dhjetor do të jep verdiktin mbi tre nenet për përdorimin e gjuhës në kartmonedha, uniforma dhe procese gjyqësore.
Sipas VLEN nenet nuk janë zbatuar, dhe me aprovimin e ish ministrit të jashtëm Bujar Osmani janë dërguar për vlerësim në komisionin e Venecias. Konfrontimet e tilla sipas politologut Qani Nuhiu nuk shpiejn drejt zgjidhjes, por vetëm se mund ti atribuojë ngritjes së rejtingjeve politike.
“Përplasja pozitë – opozitë se a është zyrtare apo nuk është zyrtare i takon një qasje konstatuese. Kjo për momentin nuk do të na japë një rezultat për momentin delikat ku ne ndodhemi, por vetëm përplasje politike. Kështuqë kuptohet partitë mund edhe të përfitojnë pikë të caktuara politike”, u shpreh Qani Nuhiu.
Murin e ndasive sipas politologut Nuhiu mund ta rrëzojë një politikë e unifikuar me një qasje konstruktive. Këtu duhet të përfshihen edhe shkenctarët thotë ai me simpoziume të ndryshme.
“Kësaj mund ti qasemi vetëm me një politikë të unifikuar pozitë- opozitë dhe aty ku ka rezultate kuptohet të gjithë fitojnë, humbës nuk ka fitues janë të gjithë. Prandaj mendoj se në vend të këtij debate që gjithsesi në të ardhmen do të sqarohet edhe kjo, por unë mendoj se duhet ti lehet edhe shkencës, simpoziumeve shkencore, debateve të shkenctarëve të merren me këtë çështje”, theksoi Nuhiu.
Zëvendës kryeministri i parë Izet Mexhiti është shprehur se gjuha shqipe nuk do të lihet në mëshirën e 20%-it. Madje zv/kryeministri për qeverisje të mirë Arben Fetai është shprehur për ndërhyrje në kushtetutë.
Paralelisht edhe nga Fronti Evropian kanë bërë ftesë publike VLEN-it që të hapin aktin më të lartë juridik. Midis këtij debati, kryeministrit Mickoski thotë se gjuha shqipe nuk po rrezikohet, dhe pretendimet janë vetëm artificiale.
