Kërçovë, 24 nëntor – Makina të prishura dhe të thyera rreth rrugës magjistrale në fshatin Llapkidoll të Kërçovës. Veturat që presin radhë për tu rregulluar te automekaniku i fshatit janë të parkuara kudo rreth rrugës deri tek vizbardhat e magjistrales.
Jo vetëm kaq, makina të vjetra të prishura që qëndrojnë prej vitesh ka edhe në këtë parking të fshatit si dhe para portave të shtëpive.
“Ndodhemi në fshatin Llapkidoll ku kalon edhe rruga magjistrale. Në këtë fshat ka automjete të parkuara në një pjesë të fshatit rreth rrugës rreth magjistrales dhe është uzurpuar edhe një pjesë e parkingut të fshatit. Banorët edhe pse nuk pranuan të flasin para kamerës së TV21 ata kërkojnë që veturat të dislokohen”
Kjo situatë rreth rrugës magjistrale prej vitesh është ë këtë gjendje. Jo rrallë herë në këtë pjesë të magjistrales ka pasur edhe aksidente si pasojë e rrugës së ngushtuar në të dyja anët.
Pyetëm në sektorit për punë të brendshme në Ohër, se a po merren me këtë problematikë?
Disa qytetarë i thanë TV21 prapa kamerës se kanë parë raste kur ka kaluar ndihma e shpejtë me shpejtësi të madhe, ose delegacionet e larta qeveritare dhe drejtuesit e makinave nuk kanë pasur mundësi të largohen anësh për të lëshuar rrugën si pasojë e kësaj situate të parkimit të veturave në magjistrale.
