Mes tensioneve, bilbilave, banderolave dhe foltores së bllokuar, të shkaktuara nga deputetët e Partisë Demokratike opozitare, simpatizantët e Sali Berishës dhe Gazmend Bardhit, shumica në pushtet në Parlamentin e Shqipërisë e miratoi ligjin me të cilin tkhenen lojërat e fatit onlajn.
Ligji u miratua me 72 vota “pro”, dy deputetët socialistë, ish-zëvendëskryeministri Erion Braçe dhe ish-ministri i Punëve të Brendshme Fatmir Xhafa, abstenuan, ndërsa demokratët e opozitës nuk votuan.
“Sipas ligjit të ri, ata që duan të luajnë lojëra fati onlajn do të duhet të regjistrohen me identitetin e tyre në sistemet e basteve, të cilat do të detyrohen t’i ruajnë të dhënat e lojtarëve për tre vjet. Ndërsa qarkullimi i parasë do të bëhet përmes sistemit bankar”, raporton Top Çanell.
Shton se lojërat e fatit janë shpallur të paligjshme më 1 janar të vitit 2019, por edhe krahas kësaj, “shqiptarët asnjëherë nuk u ndalën të vënë bast apo të luajnë në kazino, sepse ky shërbim ofrohej onlajn pa e kontrolluar askush”.
“Pasi u regjistruan qeveria, duke propozuar kthimin e tyre sërish, kryeministri shqiptar Edi Rama, atë e shpjegoi me faktin se pas ndalimit, lojërat e fatit kanë vazhduar të zhvillohen në mënyrë të paligjshme dhe se legalizimi i sërishëm i këtij aktiviteti do t’i ndihmojë ekonominë shqiptare në kohë krize energjitike dhe ekonomike”, kujton televizioni në deklaratën e Ramës.
Në seancën e cila zgjati 15 minuta u votuan amendamentet dhe plotësimet në disa ligje, ndër të cilat edhe ligji për festat zyrtare.
Në rendin e ditës ishte edhe interperlanca me kryeministrin Edi Rama, e kërkuar nga opozita. Për shkak të qëndrimit të Ramës në Bruksel, i cili kthehet pasdite dhe angazhimit të tij me vizitën e Sekretarit Amerikan të Shtetit, Antoni Blinken, ajo u shty, pasi opozita nuk u pajtua në pyetjet e saj të përgjigjet ministrja e Shtetit për Marrëdhënie me Parlamentin, Elisa Spiropali, për të cilën e ka autorizuar Rama
