Mot i qëndrueshëm, kthjellime në bregdet dhe vranësira në zonat malore

Tiranë, 5 nëntor, argument.mk/ – Shqipëria do të ndikohet të enjten nga kushte atmosferike të qëndrueshme, me mot kryesisht të kthjellët në vijën bregdetare dhe Ultësirën Perëndimore, ndërsa në zonat malore në lindje do të ketë alternime kthjellimesh dhe vranësirash.

Sipas parashikimit të Shërbimit Meteorologjik Ushtarak, vranësirat në relievet malore në lindje do të jenë mesatare dhe hera-herës të dendura.

Era do të fryjë nga verilindja në veriperëndim, me shpejtësi mesatare 7 m/s. Në vijën bregdetare, kryesisht në atë veriperëndimore, si dhe në zonat luginore, era do të arrijë shpejtësi deri në 15 m/s.

Në detet Adriatik dhe Jon parashikohet valëzim i forcës 2-4 ballë.