Zëdhënësi i Lidhjes Demokratike të Kosovës, Besian Mustafa, ka thënë se shumë njerëz po e pyesin se çfarë mund të bëjnë më shumë për ta ndihmuar LDK-në ta sjellim ndryshim, raporton Ekonomia Online.
Në konferencën e rregullt për media, ai ka theksuar se këto janë zgjedhje vendimtare për qytetarët, si dhe ka ftuar qytetarët të shkojnë në tubime të LDK-së dhe të bisedojnë me kandidatë për deputetë të kësaj partie.
“Ju mund të bisedoni me familjarët tuaj, miqtë tuaj, fëmijët tuaj e prindërit tuaj dhe t’u tregoni atyre pse votimi për LDK-në është mënyra e vetme për të sjellë ndryshimin në Kosovë. Ndryshimin që do të vijë për shkak të udhëheqjes së Lumirit dhe ekipit që ka LDK-ja”, tha Mustafa.
Mustafa ka theksuar se nëse nuk mund të përmenden më shumë se dy projekte që ka realizuar kjo qeveri e VV-së në këto katër vjet, atëherë kuptohet shumë mirë, sipas tij pse këto zgjedhje janë vendimtare.
“Nëse ndjeni në xhepin e familjes suaj rritjen e çmimeve të produkteve bazike, nëse nuk e duroni dot faktin që fëmijët tuaj po largohen sepse nuk ka perspektivë të qëndrueshme për ta, nëse nuk mund të përmendni më shumë se dy projekte që ka realizuar kjo qeveri e VV-së në këto katër vjet, ose nëse si nëna doni të gjeni një vend pune, por nuk mundeni sepse kjo qeveri nuk arriti të zbatojë një program gjithëditor në shkollat e fëmijëve tuaj, atëherë e kuptoni shumë mirë pse këto zgjedhje janë vendimtare”, tha ai.
Ai tha se shumë njerëz e pyesin se çfarë mund të bëjnë më shumë për të na ndihmuar të sjellim ndryshim.
“Ndryshimin që do të vijë për shkak të udhëheqjes së Lumirit. Ndryshimin që do të vijë për shkak të ekipit që ka LDK-ja. Sepse LDK-ja është e vetmja parti me program, e vetmja parti me plan për të ardhmen e Kosovës dhe me aftësi për ta realizuar atë plan. Andaj, ju bëj thirrje të bisedoni me familjarët tuaj, me miqtë, me fëmijët e me prindërit tuaj. Bindini ata që me 9 shkurt të votojnë 124 – LDK, që të vije ndryshimi”, tha Mustafa.
