Ministrja e Shtetit për Rininë dhe Fëmijët priti në një takim ambasadoren e Algjerisë, Zaina Benhabouche.
Gjatë takimit, Muzhaqi dhe Benhabouche zhvilluan një bisedë të frytshme mbi politikat e përbashkëta mes dy vendeve dhe potencialin për të ndërtuar ura të reja bashkëpunimi në të ardhmen.
Ministrja Muzhaqi gjatë takimit prezantoi Strategjinë Kombëtare të Rinisë dhe iniciativat e shumta që janë ndërmarrë për fuqizimin e të rinjve.
Gjithashtu, Muzhaqi theksoi rëndësinë e vazhdimit të mbështetjes për rininë, si një shtyllë kyçe për zhvillimin dhe për forcimin e partneritetit dypalësh.
