Likovë, 7 gusht Zhurnal.mk – Në fshatin Hotël është përuruar lagjja e re e cila do të mbajë emrin e Komandant Telit, në një ceremoni ku morën pjesë banorë të fshatit, familjarë të dëshmorëve dhe ish-ushtarë të Ushtrisë Çlirimtare Kombëtare (UÇK).
Reagimin e parë për këtë ngjarje e bëri përmes një postimi në rrjetin social Facebook deputeti i Aleancës për Shqiptarët (ASH), Rijad Shaqiri, i cili e cilësoi këtë akt si një nderim të merituar për kontributin dhe sakrificën e Komandant Telit.
“Ky është një nderim i merituar për sakrificën dhe veprën e tij, si dhe një kujtesë e përhershme për brezat që liria u fitua me gjakun e bijve më të mirë të kombit”, shkroi Shaqiri.
Ai theksoi se emri i Komandant Telit do të mbetet si simbol i kujtesës dhe respektit për ata që kontribuuan në rrugën drejt lirisë.
Në përfundim të reagimit të tij, deputeti Shaqiri shprehu nderimin për dëshmorët e kombit, duke shkruar: “Lavdi dëshmorëve të kombit! Lavdi e përjetshme Komandant Telit!”
