Shkup, 1 shkurt – Policia e Tetovës mbrëmë rreth orës 2 e 45 minuta në rrugën “APJ” në Tetovë, e kanë privuar nga liria të miturin nga ky qytet. Ai dyshohet se në parkingun në rr. “Dimo Gavrovski – Kara” në Tetovë, në mënyrë kundërligjore ka vjedhur automjetin “mercedes” me targa të regjistrimit të Tetovës, pronë e 57-të vjeçarit N.E. nga f. Strimnicë-Tetovë.
Siç njoftojnë sot nga MPB-ja, automjeti është gjetur në rr. “Mirçe Acev” në Tetovë, është kryer inspektim dhe i njëjti i është kthyer pronarit. Tek i mituri, poashtu, janë gjetur dhe sekuestruar më shumë sende për të cilat ekziston dyshimi i bazuar se rrjedhin nga vjedhjet. Ai është në mbajtje në Stacionin Policor Tetovë dhe pas dokumentimit të plotë të rastit kundër tij do të parashtrohet kallëzim përkatës.
