Izraeli nuk ishte i përfshirë në asnjë mënyrë në vdekjen e presidentit iranian Ebrahim Raisi dhe ministrit të tij të Jashtëm, Hossein Amir Abdollahian, ka thënë një zyrtar për agjencinë e lajmeve Reuters.
“Nuk ishim ne”, tha zyrtari, i cili kërkoi të mbetet anonim.
Irani dhe Izraeli janë armiq prej kohësh, me këtë të fundit në kundërshtim të fortë ndaj zhvillimit të programit bërthamor të Teheranit.
Irani ka mbështetur, financuar dhe trajnuar disa grupe përfaqësuese në të gjithë rajonin e Lindjes së Mesme në shkallë të ndryshme, duke përfshirë Hamasin në Gaza, Houthi në Jemen, Hezbollahun në Liban dhe një numër fraksionesh të tjera me seli në Siri dhe Irak.
