Shkup, 4 prill argument.mk/ – Doktor Milan Risteski, specialist i onkologjisë, në profilin e tij në Facebook paralajmëroi se personat e sëmurë me kancer nuk duhet të ndjekin pa kushte udhëzime për trajtim të publikuara në internet, pasi kjo mund t’i çojë drejt një vdekjeje më të shpejtë.
Në publikimin e tij, ai kritikoi veçanërisht praktikën e “vdekjes nga uria” të kancerit, duke theksuar se nuk ekziston asnjë studim shkencor që e vërteton efektivitetin e kësaj metode. Përkundrazi, pacientët me kancer metastatik që kanë agjëruar kanë ndërruar jetë më shpejt se ata që nuk kanë agjëruar.
“Moskuptimi i katabolizmit tumoral dhe përhapja e të pavërtetave nga persona që paraqiten si ekspertë po çon qindra pacientë drejt një vdekjeje të parakohshme”, paralajmëroi Risteski.
