Një ngjarje e rëndë është parandaluar në Dobraç këtë të hënë.
Policia u njoftua se një shtetas kishte kanosur me armë zjarri, fqinjin e tij dhe organizuan punën për kapjen e autorit dhe zbardhjen e rrethanave të rastit.
Sirjan Jahja, 41 vjeç, banues në Dobraç ra në pranga pasi dyshohet se për motive të dobëta qëlloi me armë zjarri pistoletë, në tokë, për të kanosur fqinjin e tij, shtetasin A. K.
Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
