Kumanovë, 20 shtator – Gjithsej 80 komuna aplikuan në thirrjen publike të Qeverisë për marrjen e mjeteve për realizim të projekteve infrastrukturore në komuna, janë parashtruar 358 propozim projekte, periudhën e ardhshme do të vijojë procesi i vlerësimit, njoftoi sot ministri i Vetëqeverisjes Lokale, Zllatko Perinski i cili me ministrin e Administratës Publike, Goran Minçev dhe përfaqësuesin e BNJVL dhe kryetarin e komunës së Kumanovës, Maksim Dimitrievski morën pjesë në diskutimin e dytë publik nga fushata “Të gjithë bashkë për administratë publike profesionale dhe cilësore”.
Duke u përgjigjur në pyetjet e gazetarëve Perinski tha se të gjitha komunat kishin mundësi të paraqiten me projekte në thirrjen që përfundoi para disa ditëve. Faza e vlerësimit do të zgjasë ndërmjet shtatë dhe dhjetë ditë.
“Tashmë jemi në fazën e mbledhjes së dokumentacionit të projektit në kuadër të ministrive përkatëse, ai dhjetëditësh përfundon të hënën dhe më pas fillon faza e vlerësimit, e cila do të bëhet sërish brenda ministrive përkatëse. Pritjet tona janë që faza e vlerësimit të zgjasë jo më shumë se shtatë deri në dhjetë ditë dhe tashmë presim që në javën e parë të muajit të ardhshëm propozimi për financimin e projekteve të dorëzohet nga ministritë përkatëse për miratim në seancën e qeverisë”, tha ministri i Vetëqeverisjes Lokale.
Ai tha se dje kishin edhe takim me organin koordinues në të cilin marrin pjesë edhe ministri përkatëse lidhur me dokumentacionin e nevojshëm të cilin duhej ta dorëzonin komunat.
“Dje patëm mbledhje të trupit koordinues në të cilin marrin pjesë edhe ministritë përkatëse, më shumë se 50 për qind e komunave që kanë dorëzuar formularin e aplikimit në kuadër të Ministrisë së Vetëqeverisjes Lokale tashmë kanë dorëzuar projektet e tyre të propozuara, presim edhe pak ditë deri në skadimin e afatit për t’i dorëzuar të gjitha vetëqeverisjet lokale, për të përfunduar praktikisht procesin”, deklaroi ministri Perinski.
