Xinjiang, Rajoni Autonom Ujgur i Kinës Veriperëndimore ka shfaqur një rritje të jashtëzakonshme në të gjithë treguesit ekonomikë që nga viti i kaluar, me rritjen e PBB-së, investimeve, konsumit, importit dhe eksportit, të ardhurat fiskale dhe nivelet e të ardhurave të rezidentëve; të gjitha duke u renditur ndër pesë vendet e para në mbarë vendin, tha të martën Erkin Tuniyaz, kryetar i qeverisë rajonale.
Kryetari nënvizoi këto arritje gjatë një konference për shtyp të mbajtur në Pekin, duke theksuar se “2023 shënoi vitin më të mirë për sa i përket cilësisë dhe efikasitetit të zhvillimit ekonomik dhe social në Xinjiang vitet e fundit”.
Xinjiangu është zotuar të zgjerojë hapjen e nivelit të lartë vendas dhe ndërkombëtar, duke u kthyer në një korridor të rëndësishëm që lidh Azinë me Evropën, si edhe një portë për hapjen e Kinës në perëndim, tha ai.
CFP
Gjatë dy viteve të fundit, vëllimet totale të importeve dhe eksporteve të Xinjiangut janë rritur përkatësisht me 57% dhe 45.9% .
Në tremujorin e parë të 2024, PBB e Xinjiangut u rrit me 5.6% nga viti në vit, prodhimi industrial me vlerë të shtuar të ndërmarrjeve të mëdha u rrit me 8%, ndërsa vëllimi i tregtisë së jashtme u zgjerua me 42.7%. Këta tregues tejkaluan pritshmëritë, duke konfirmuar një fillim premtues për vitin 2024, vuri në dukje ai.(Xu Guang/Elona)
