Shkup, 21 janar – Në Kuvend sot, në Komisionin për politikë të jashtme dhe tregti të jashtme kaloi Propozim ligji për ratifikim të Marrëveshjes për Instrument mes BE-së dhe Republikës së Maqedonisë së Veriut për aranzhmane të posaçme për zbatim të mbështetjes nga Unioni në pajtim me Instrumentin për reforma dhe rritje.
Siç arsyetoi prëfaqësuesja e Ministrisë së Çështjeve Evropiane, Hristina Koneska Berovska, kjo marrëveshje del nga Plani për reforma dhe rritje që ishte inicuar nga KE-ja në nëntor, në vitin 2023, si isntrument me të cilin do të mundësohet mbështetje financiare shtesë për vendet nga Ballkani Perëndimor në drejtim të zbatimit të reformave thelbësore dhe përshpejtim të rritjes ekonomike me qëllim të afrimit të ekonomive të vendeve nga rajoni drejt Bashkimit Evropian. Me planin për rritje është siguruar pako prej 6 miliarëd eurove për shtetet e rajonit, prej të cilave një e treta janë në formë të grantit, ndërsa dy të tretat në formë të kredisë. Shuma e dedikuar për vendet e Ballkanit Peërndimor është llogaritur nga KE-ja me formulë të veçantë, sipas të cilës për vendin tonë janë caktuar 750 milionë euro.
Në fillim të mbledhjes anëtarët e Komisionit nuk e pranuan kërkesën Propozim deklaratën për njohje të shtetit të Palestinës, parashtruar nga E Majta, të vihet si pikë në rendin e ditës, pas çka deputeti nga E Majta e braktisi mbledhjen.
Propozim ligji për ratifikim të Marrëveshjes për Instrument mes BE-së dhe RMV-së për aranzhmane të posaçme për zbatim të mbështetjes nga Unioni në pajtim me Instrumentin për reforma dhe rritje sot duhet të kalojë edhe në Komisionin ligjvënës juridik.
Në deklaratë për MIA-n zëdhënësi i Komisionit evropian, javën e kaluar deklaroi se po punohet në atë që pagesa e mjeteve nga parafinancimi për Maqedoninë e Veriut në kuadër të Planit për rritje për Ballkanin Peërndimor të ndodhë sa më shpejtë.
Agjenda reformuese u miratua më 23 tetor 2024 me Vendim për zbatim të Komisionit, pas mendimit pozitiv nga vendet anëtare (në Komitetin IPA III). Që të fillojnë reformat, vendet mund të kërkojnë deri shtatë për qind të mjeteve në formë të parafinancimit. Këtë e kërkuan të gjitha pesë shfrytëzueset me agjenda të miratuara reformuese.
Ministri i Çështjeve Evropiane, Orhan Murtezani më 13 nëntor të vitit të kaluar e nënshkroi kërkesën drejt Komisionit evropian për parafinancim në shumë prej 52,5 milionë eurove, me çka Maqedonia e Veriut u bë vendi i parë nga Ballkani Perëndimor që i ndërmori të gjitha hapat e domosdoshëm për pagesë të mjeteve të para nga Instrumenti për reforma dhe rritje.
