Shkup, 5 shkurt – QMK-ja informon se në njëzet e katër orët e fundit ka pasur të paktën 19 zjarre “dimërore” të evidentuara në pyje me kërcell të ulët dhe bimë të tjera, ndërsa zjarrëfikësit kanë shuar mbetje, mbeturina dhe kontejnerë të djegur në ambient të hapur në territorin e vendit.
Janë angazhuar zjarrëfikës në rajone të caktuara për të shuar pesë zjarre në ambient të hapur. Zjarrëfikës dhe ekipe janë angazhuar nga Shkupi (5 zjarre), Prilepi, Krusheva, Strumica (4 zjarre) Radovishi (2 zjarre), Gjevgjelia, Ohri, Kërçova, NP “Pyjet Kombëtare” filiali “Babuna” nga Velesi, Negotina (2 zjarre), Vinica,Koçani, Kumanova, Nagoriçani i Vjetër (5 zjarre), Rankovc dhe prej Parkut nacional “Mali Sharr”.
Përndryshe, zjarri i fundit në ambient të hapur ka qenë mbrëmë në ora 20:15 mes fshatrave Urviç dhe Novosellë, Komuna e Bogovinës, rreth 400 metra mbi rrugë. Janë djegur bredh, bari i thatë dhe bimë të ulëta në një zonë shkëmbore dhe nuk ka rrezik zjarri të përhapet në pyll me cilësi të lartë, sipas personave përgjegjës të Parkut nacional “Mali Sharr”, të cilët ndodhen në vendngjarje dhe kanë arritur ta lokalizojnë zjarrin në një kohë relativisht të shkurtër. Në orën 21:40, një sipërfaqe prej 2 deri në 3 hektarë është përfshirë me dëllinjë, degë, bimësi të ulët në një zonë shkëmbore dhe nuk ka rrezik të kaplohet nga zjarri pylli cilësor, informojnë nga QMK-ja.
