Shkup, 20 nëntor – Ish-ambasadori amerikan në Maqedoninë e Veriut në një prononcim për RTVM-në thotë se është e pakëndshme për vendin të vendosen kushte të reja pas anëtarësimit në NATO në vitin 2020. Sipas tij, pavarësisht çështjeve etnike, vendi është një histori suksesi.
“Shpresojmë që procesi evropian dhe anëtarësimi evropian të ndodhë së shpejti, sepse çështja e emrit është zgjidhur. Për mendimin tim, është shumë e pakëndshme të shtrohen edhe çështje të tjera. Mendoj se është e rëndësishme që të gjithë të ndalojnë dhe të vendosin se çfarë është me të vërtetë e rëndësishme për ta, çfarë vlere reale fitohet nga integrimi. Shtetet e Bashkuara nuk janë anëtare të Bashkimit Evropian dhe të ofrojmë garanci. Gjithashtu mendoj se është e vështirë edhe për BE-në të ofrojë garanci, sepse ajo përbëhet nga 27 anëtarë dhe ata duhet të bien dakord për gjërat. Unë me të vërtetë shpresoj që ju të gjeni një mënyrë për të ecur përpara. Kam biseduar me kryeministrin Mickoski dhe e di se ai dëshiron që Maqedonia e Veriut të përparojë dhe e mbështes atë në përpjekjet e tij.”, – deklaroi ish-ambasadori në RMV, Filip Riker.
