Podgoricë, 13 nëntor – Administrata e Policisë dhe Agjencia e Sigurisë Kombëtare e Malit të Zi urgjentisht kanë lëshuar një deklaratë të përbashkët lidhur me kërcënimin ndaj sigurisë së presidentit Jakov Milatoviq.
Siç thuhet, më 6 nëntor Agjencia e Sigurisë Kombëtare e Malit të Zi ka marrë informacione për një kërcënim të mundshëm ndaj presidentit të Malit të Zi, Jakov Milatoviq, për të cilin e ka njoftuar atë në një komunikim të drejtpërdrejtë.
Gjithashtu, Agjencia ka kryer një sërë aktivitetesh për kontrollimin dhe thellimin e të dhënave të përmendura, si dhe për kontrollin e besueshmërisë së burimeve. Në këtë drejtim, njohuritë e deritanishme nxjerrin në përfundimin se ndoshta bëhet fjalë për shpërndarjen e dezinformatave nga vendet e treta.
Agjencia e Sigurisë Kombëtare, në bashkëpunim me Administratën e Policisë, do të vazhdojë zbatimin e vazhdueshëm të masave mbrojtëse të sigurisë në raport me Presidentin e Malit të Zi dhe anëtarët e familjes së tij të ngushtë.
