Një shpërthim ka ndodhur në qendër të qytetit perëndimor të Kolnit të Gjermanisë, ndërsa policia ka njoftuar se një “operacion i madh” është duke u zhvilluar.
Bëhet e ditur se nga shpërthimi në Hohenzollernring një ndërtesë është dëmtuar rëndë dhe një person është plagosur.
Siç raporton gazeta gjermane Bild, shpërthimi ka ndodhur në hyrje të një restauranti.
“Hohenzollern është i mbyllur midis Rudolfplatz dhe Friesenplatz. Zona duhet të shmanget. Detaje të tjera nuk dihen ende”, ka deklaruar policia.
Shpërthimi ka bërë që panelet e tavanit në hyrje të ndërtesës të shemben dhe xhamat e dritareve të thyhen.
Pronari i ndërtesës tha: “Ky është terror. Dikush shpërtheu një mjet shpërthyes. Vlerësoj të ketë dëme deri në 100 mijë euro”.
