Fëmijët janë entuziastë gjatë gjithë vitit për pushimet verore, ndërkohë prindërit duhet të planifikojnë pushimet në një vend ku ata të jenë të lehtë për t’u menaxhuar. Në mënyrë që gjithçka të shkojë siç duhet dhe vera të jetë sa më e dobishme për të gjithë në familje, duhet të ndiqni disa këshilla.
- Planifikoni një vend të sigurt
Gjatë pushimeve fëmijët kanë tendencën të kundërshtojnë dhe të “rebelohen”, ndaj është shumë e rëndësishme që pushimet verore t’i planifikoni në një zonë të sigurt, ku ju ta keni më të lehtë t’i shihni fëmijët dhe t’i lejoni të jenë të lirë për t’u argëtuar dhe shijuar gjithë pushimet.
- Bëni plane
Për t’i mbajtur fëmijët nën kontroll, mundohuni të planifikoni sa më shumë aktivitete të jetë e mundur, dhe sa më shpejt. Një aktivitet i mirëpërcaktuar, organizon dhe strukturon gjithë ditën. Kështu dhe fëmija përshtatet me planet dhe ju e dini se çfarë duhet të bëni pa u mërzitur fëmijët.
- Ruani oraret
Ruajtja e orareve ndihmon që fëmija të argëtohet dhe të mos e prishë rutinën e gjithë vitit. Oraret e përcaktuara nga prindërit dhe kur ata janë me pushime, i ndihmojnë që të përshtaten më lehtë. Edhe me pushime fëmijët duhet të ruajnë kohën e vakteve të ushqyerjes, kohën e gjumit, apo edhe kohën e leximit dhe duhet t’i ndjekin këto rregulla sa më shumë që të jetë e mundur.
- Vendosni “rregulla shpërblyes”
Fëmijët mund të dëshirojnë të jenë të lirë të bëjnë çfarë të duan kur janë me pushime, por kjo gjë nuk na ndihmon aspak në menaxhimin e pushimeve, ndaj është e nevojshme që të vendosim rregulla, të cilat kur jemi me pushime mund t’i quajmë “rregulla shpërblyese”. Ju duhet të zgjidhni sjelljet më të dëshiruara pozitive duke i shpërblyer ato, në këtë mënyrë fëmijët mësojnë që të bashkëpunojnë, të jenë të qëndrueshëm dhe pozitivë.
- Lërini fëmijët të pavarur
Që fëmijët të jenë të kontrollueshëm duhet të ndihen të pavarur, në mënyrë të tillë bëhen më të bindur dhe të menaxhueshëm gjatë pushimeve. Gjithashtu, edhe ju keni nevojë për t’ju dedikuar vetes në mënyrë që koha që do vijë më pas të jetë më cilësore me fëmijët. Në shumicën e rasteve prindërit i konsiderojnë pushimet si stres dhe ngarkesë emocionale. Kjo vjen si pasojë e përvojave jo të mira që kanë përjetuar gjatë pushimeve të kaluara, ku ndoshta nuk kanë mundur t’i menaxhojnë siç duhet pushimet.
Krahas gjithë rregullave të lartpërmendura, qëndroni të qetë dhe shikojini pushimet si një shans për t’u karikuar dhe për t’u qetësuar me familjen tënde. Kjo është një sjellje pozitive prindërore që i bën fëmijët të ndihen më mirë, të kalojnë më shumë kohë me ju, dhe t’i shijojnë më shumë pushimet pa ndierë presionin e prindërve nga ndjesitë negative që sjellin pushimet si pasojë e keqmenaxhimit.
