Shtip,15 shkurt – Sektori për punë të brendshme nga Shtipi sot doli me detaje për aksidentin e djeshëm të trafikut në rrugën eksprese Shtip-Koçan, në të cilën kanë humbur jetën 24 vjeçarja nga Shkupi dhe 52 vjeçari nga Koçani.
Zëdhënësja e SPB Shtip, Gordana Panajotova, ka njoftuar se aksidenti ka ndodhur mes automjetit “folksvagen golf” me targa të Shkupit, të drejtuar nga D.D. (54) nga Koçani, automjeti “seat” me targa të Shkupit, të drejtuar nga M.A. (25) nga Shkupi dhe automjetit “citroen” me targa të Vinicës, i drejtuar nga L.S.(58) nga Vinica
“Nga lëndimet e marra në vendin e aksidentit kanë ndërruar jetë udhëtarja nga automjeti “Seat”, N.P. (24) nga Shkupi dhe G.A. (52) nga Koçani, bashkëudhëtarja nga automjeti “folksvagen golf”. Një mjek nga Shërbimi i urgjencës mjekësore ka deklaruar vdekjen. D.D., L.S., udhëtare nga “folksvagen golf” B.A.(51) nga Koçani dhe dy pasagjere nga automjeti “citroen” M.S.(63) dhe C.S. (84) janë lënduar rëndë, të dyja nga Vinica, ndërsa me lëndime trupore ka pësuar M.A. dhe një pasagjere tjetër nga automjeti “citroen” M.S. (50) nga Vinica, të konstatuara në Spitalin klinik Shtip, Spitalin e përgjithshëm të Koçanit dhe Kompleksin e klinikave “Nënë Tereza”, tha Panajotova.
Është kryer ekspertizë nga prokurori publik dhe një ekip nga stacioni policos Koçan.
Sipas komunikatës së djeshme të Prokurorisë, janë lëshuar disa urdhra për vërtetimin e shkaqeve për aksidentin
