Tiranë, 9 korrik Zhurnal.mk – Sekretari i Përgjithshëm i Partisë së Lirisë, Tedi Blushi thotë se i gjithë procesi për Ilir Metën është i stisur ndërsa nënvizoi se sot u vërtetua se nuk ka asnjë provë ndaj tij.
“Edhe kjo seancë provoi se ndaj presidentit të PL Ilir Meta nuk ka asnjë fakt dhe asnjë provë. Edi Rama kurrë nuk është marrë në pyetje, por do të thirret si dëshmitar në MCGonigal. Nuk ka asnjë provë penale kundër Metës, ka qenë dhe është një proces fals i stisur nga Edi Rama dhe McGonigal.
Avokat më të mirë se veten e vet Meta nuk besoj se do të gjejë. Se kë do të zgjedhë që ta mbrojë e vendos ai, por zoti Meta s’ka nevojë për avokat. Nuk ka një qindarkë të paligjshme”, tha ai.
Seanca e radhës në GJKKO, për ish-çiftin Ilir Meta dhe Monika Kryemadhi do të mbahet në datën 29 korrik, në orën 10:00.
